ಬೆಳಗಾವಿ ಸುದ್ದಿ ಲೋಕ ಗೋಕಾಕ: ಯುವಕರು ದುಶ್ಚಟಗಳನ್ನು ಬಿಟ್ಟು, ಪೈಗಂಬರರ ಆದರ್ಶಗಳನ್ನು ಮೈಗುಡಿಸಿ ಕೊಂಡು ಬದುಕಿದರೆ ಜೀವನ ಸ್ವಾರ್ಥಕ ಅಂತಾ ಶಿಂದಿಕುರಬೇಟ ಗ್ರಾ. ಪಂ. ಅಧ್ಯಕ್ಷ ಸಿದ್ಧಾರೋಡ ಕಂಬಾರರು ಕರೆ ನೀಡಿದರು.
ಅವರು ಸಮೀಪದ ಶಿಂದಿಕುರಬೇಟ ಗ್ರಾಮ ಮಹ್ಮದ ಪೈಗಂಬರರ 1500ನೇ ಜಯಂತಿಯ ಮೆರವಣಿಗೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು. ಇಂದಿನ ಯುವಕರು ದುಶ್ಚಟ ದಿಂದ ದೂರ ಇದ್ದು, ಮಹಾತ್ಮರ ಆದರ್ಶಗಳನ್ನು ಜೀವನದಲ್ಲಿ ಅಳವಡಿಸಿ ಕೊಂಡು, ತಂದೆ -ತಾಯಿಯ ಹಾಗೂ ಸಮಾಜದ ಸೇವೆ ಮಾಡಿ ಗ್ರಾಮಕ್ಕೆ ಒಳ್ಳೆಯ ಹೆಸರು ತರುವ ನಿಟ್ಟಿನಲ್ಲಿ ಕಾರ್ಯ ಪ್ರವೃತರಾಗಬೇಕು ಎಂದರು.
ಈಗಿನ ಯುವಕರು ಯಾವುದೇ ಒಂದೆ ಜಾತಿಗೆ ಸೀಮಿತ ವಾಗದೆ ಸಮಾಜ ಎಲ್ಲ ಬಗೆಯ ಜನರ ಜ್ಯೋತೆ ಒಂದಾಗಿ ಕೊಡಿ ಬಾಳಿದರೆ ಅದುವೆ ಸ್ವರ್ಗ, ಭಾರತದಲ್ಲಿ ಹಲವಾರು ಜಾತಿಗಳು ಇದ್ದು ಹಾಗಾಗಿ ಪ್ರಜಾ ಪ್ರಭುತ್ವ ರಾಷ್ಟ್ರವಾಗಿ ಹೊರಹೋಮ್ಮಿದೆ. ಹಾಗಾಗಿ ಇರುವುದು ಒಂದೆ ಜಾತಿ ಅದು ಮಾನವ ಧರ್ಮ ಒಂದೆ ಅಂತ ಹೇಳಿದರು.
ಇದೆ ಸಂಧರ್ಭದಲ್ಲಿ ಪೈಗಂಬರ ಅವರ ಭವ್ಯ ಮೆರವಣಿಗೆಯು ಗ್ರಾಮ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ಸಿಹಿ ಹಂಚಿ ಸಂಭ್ರಮಿಸಿದರು.ಸಮಾಜದ ಹಿರಿಯರು ಮಾರ್ಗ ಮಧ್ಯದಲ್ಲಿ ಸಂವಿಧಾನ ಶಿಲ್ಪಿ ಡಾ//ಬಿ. ಆರ್. ಅಂಬೇಡ್ಕರ ಅವರ ಭಾವ ಚಿತ್ರಕ್ಕೆ ಮಾಲಾರ್ಪಣೆ ಮಾಡಿ ಗೌರವ ಸಲ್ಲಿಸಿದರು.
ಮೆರವಣಿಗೆಯಲ್ಲಿ ಗ್ರಾ. ಪಂ. ಅಧ್ಯಕ್ಷ ಸಿದ್ಧಾರೋಡ ಕಂಬಾರ, ಮಾಜಿ ಅಧ್ಯಕ್ಷ ದಾವಲ ದಬಾಡಿ, ಅಬ್ದುಲ ಸೌದಾಗರ, ಮುಸ್ಲಿಂ ಸಮಾಜದ ಅಧ್ಯಕ್ಷ ಕುತುಬುದ್ದಿನ ತಟಗಾರ,ಹಾಜಿ ಇಸಾಕ ಅನಸಾರಿ, ಇಬ್ರಾಹಿಂ ಮುಲ್ಲಾ, ಆಶೀಪ ಅತ್ತಾರ, ರಿಯಾಜ ಅತ್ತಾರ,ದಸ್ತಗೀರ ಚೋಪದಾರ, ಇಮಾಮ ಸರಕವಾಸ, ರಮಜಾನ ಖಾನಜಾದೆ,ಮುಬಾರಕ ಸೌದಾಗರ, ಮಲೀಕ ಪಕಾಲಿ, ಅಪ್ಪಾಸಾಬ ಮದಾರಶಾ, ಜಂಗ್ಲಿಸಾಬ ಅತ್ತಾರ, ಮಹೇಬೂಬ ಸೌದಾಗರ ಪೊಲೀಸ ಸಿಬ್ಬಂದಿ ಹಾಗೂ ಗ್ರಾಮದ ಹಿರಿಯರು, ಯುವಕರು ಈ ಸಂಧರ್ಭದಲ್ಲಿ ಹಾಜರಿದ್ದರು.
